Nga një bisedim në qendrën “De Balie”në Amsterdam, kryeministri Edi Rama i është rikthyer situatës me median në Shqipëri, ku së fundi i pari i qeverisë ka ‘shpikur’ konceptin e internimit të gazetarëve.
Rama e quajti situatën e fundit shqetësuese, sa kohë që gazetarët kanë lirinë e shprehjes, dhe vetë kryeministri nuk mund ta ketë një të drejtë të tillë, për shkak se konsiderohet sulm ndaj medias.
“E kam humbur numrin, nuk e di në çfarë pozicioni jemi për lirinë e medias. Megjithatë kjo është shumë e diskutueshme, ka vende ku udhëheqësit i kontrollojnë titujt në darkë dhe të nesërmen kontrollojnë nëse janë botuar siç duhen. Asgjë e tillë nuk ndodh në Shqipëri. Kritikohem për diçka, jam përpjekur fort, kam ndryshuar shumë. Unë dua të respektoj kritikët, kam rrezikuar jetën për lirinë e fjalës.
Më është dashur të kaloj ferrin fizikisht sepse kam folur dhe ndonjëherë nuk mund të rri pafolur përballë gjërave të çmendur që janë rrezik i abuzimit me lirinë fjalës dhe kjo i rëndon gjërat. Shihni për tre ditë shtypin shqiptar, kuptoni që s’ka censurë, ka diçka shqetësuese që është legjitimiteti i plotë i abuzimit me lirinë tende në dëm të çdo individi që duan të sulmojnë.
Nuk dua të them që ne jemi parajsa e lirisë. Se kjo lidhet më shumë gjëra të tjera si garancitë e gazetarëve, pronësia e medias. Nuk ka asnjë rast që asnjë gazetar, media të ketë pasur telashin më të vogël për shkak të trysnisë nga qeveria. Jam luftëtar i çmendur nuk mund të hesht kur përballem me deklarata idjote, nuk e kuptoj pse liria është për gazetarët dhe jo për kryeministrin dhe unë duhet të kem lirinë time”, tha Rama.
Lexo edhe lajmin:
“Si takohesh me burrin biznesmen?” Rama përjashton gazetarin për 3 muaj nga konferencat (VIDEO)
Discussion about this post