Kryetari i Bashkisë së Tiranës, Erion Veliaj, ka qenë i pranishëm në një investim të bërë së fundmi nga bashkia, ai i ndërtimit të rrugës “Hermann Gmeiner”.
Në fjalën e tij, Veliaj theksoi se rruga do i shërbejë jo vetëm banorëve të kësaj lagje, por edhe institucioneve të tjera sociale dhe shtetërore.
Por ai vuri theksin tek projektet që pengohen nga gjykatat që sipas tij “falë korrupsionit kanë arritur të marrin masa bllokimi për rreth 40 projekte.
“Kemi hapur rreth 100 kantiere pune, nga të cilat 40 bllokohen përkohësisht me vendime gjykatash, që marrin masa bllokimi për punët e bashkisë. Sot mjafton që një i fortë të bëjë një pagesë në një gjykatë të shkallës së parë, të marrë një masë bllokimi dhe 40% e kantiereve të Tiranës bllokohen”, tha kreu i bashkisë. (XH.A/SHUPLAKA)
Discussion about this post