Ditën e sotme në media u publikua një video në të cilën një mësuese në Kavajë iu bënte thirrje nxënësve të shkonin në mitingun e pasdites së kryeministrit Rama. Por menjëherë pas kësaj Rama në kuvend ka bërë të ditur lajmin se mësuesja është shkarkuar nga detyra.
‘’Sapo më lajmëroi Ministrja e Arsimit që një mësuese në Kavajë ka bërë thirrje që të vinte në takimin tim në Kavajë. Mësuesja është pezulluar menjëherë nga puna. Mësuesit kanë të drejtë të jenë me kë parti të duan po ama jho të bëjnë politikë në ambjentet e shkollës. Ne kemi shumë mësues që kanë qenë në çadër dhe s’kemi marrë asnjë qëndrim’’, deklaroi Rama në Kuvend.
Por për këtë deklaratë të Ramës ka reaguar edhe Edi Lesi. Sipas tij Rama është i pabesë, “pasi urdhëroi mësuesen të nxirrte nxënësit në takimin elektoral, e kur kjo doli në media, e mbylli duke e shkarkuar nga puna”.
“Vajmedet për Edi Ramën, e nisi duke urdhëruar zyshën të nxirrte nxënësit në takimin elektoral, e kur kjo doli në media, e mbylli duke e shkarkuar nga puna si i pabesë që është”, shkruan Edi Lesi. (J.V/Shuplaka)
