Menjëherë pas përfundimit të mbledhjes të kryesisë së Partisë Demokratike, Edi Paloka i cili drejtori mbledhjen zbuloi disa detaje se për çfarë u diskutua aty.
Paloka tha që procesi do të ishte transparent, ndërsa shtoi se kërkesa e Jamarbër Malltezit për analizë të zgjedhjeve ishte jonormale, pasi sipas tij kjo nuk mund të bëhet brenda ditës në një mbledhje kryesie.
“Zoti Patozi nuk kandidoi, ndoshta është një burokraci. Pati gjatë ditës, për fajin tuaj, ngjarje të ndryshme, kandidon Patozi s’kandidon. Kërkova të qartësohej. Unë kërkova që të vinte e të na thonte që jam kandidat, kaq.
Sot, të gjithë ne aty jemi me përvojë të gjatë politike dhe e kuptojmë se është një kërkesë jo normale analiza e zgjedhjeve.
Megjithatë unë e hodha në shqyrtim.
Nuk mund të ketë analizë të zgjedhjeve brenda një dite në një mbledhje kryesie.
Sigurisht që do ketë, gjatë fushatës do ketë ballafaqime të kandidatëve dhe sigurisht do diskutohen edhe këto gjëra.
Do ngrihen këto çështje, për këto u bënë zgjedhjet që çdo anëtar të japë mendimine tij nëpërmjet votës.
Nuk u përjashtua njeri, shqyrtuam kandidaturat, diskutohet për liderin, kryeministrin e ardhshëm, që të paktën të jenë figura qendrore, publike dhe me një reputacion të mirë. Nuk kanë kandiduar të gjithë kandidatët që kanë shprehur dëshirën.
Çdo gjë do të jetë transparente, komisioni që sapo u ngrit do ketë edhe përfaqësues të kandidatëve. Do ketë në çdo hap ndjekje të rregulloreve. Ka disa udhëzime nga komisioni paraardhës që do detajohen. Do bëjmë çdo gjë procesi që jetë transparent dhe të ngjalli besim.”, tha Paloka. Vijon…(D.D/Shuplaka)
Discussion about this post