Edi Rama batuta me Veliaj: O lali Eri, po s’u bë kopshti ngela si ariu Silva

Kryebashkiaku Erion Veliaj e ka shoqëruar kryeministrin Edi Rama në aktivitetin e paradites së kësaj të shtune në Liqenin Artificial të Tiranës.

Rrethuar nga të rinjtë që ishin mbledhur për një lojë basketbolli, kryeministri ka shkëmbyer batuta me kryetarin e Bashkisë së Tiranës, ku subjekt ka qenë kopshti zoologjik.

Në bisedë e sipër mes tyre, Rama i ka kujtuar Veliajt rikonstruksionin e këtij kopshti, ndërkohë që Veliaj i ka thënë se për realizimin e këtij premtimi nevojitet edhe ndihma e kryeministrit.

Batutat

Edi Rama: Do ta bëjmë atë kopësht zoologjik.. ai është
Erion Veliaj: Që tashmë çunat kanë bërë një punë fantastike. Janë kthyer rosat, lejleku, pata
Edi Rama: O lali Eri do të bëjmë kopshtin zoologjik më të bukur në Ballkan siç e kemi lënë?!
Erion Veliaj: Ky është plan. Na ndihmo ti të fillojmë
Edi Rama: Po s’u bë kopshti ngela unë si ariu Silva
(Qeshin)
Edi Rama: Do bëjmë ndonjë zhytje?
Erion Veliaj: Ndonjë zhytje ose ndonjë lojë të vogël
Edi Rama: Për lojë jemi njëçik të lodhur. Një tresh e tresh të vogël e bëjmë, çuna hajdeni

(XH.A/SHUPLAKA)