Edi Rama tha gjatë fjalës së tij në hapje të fushatës elektorale të PS-së se, në qeverisjen e tij, vendi ka arritur të bëjë ndryshime të dukshme. Dhe për këtë argumentoi se do mjaftonte të shikohet sipas tij se, produkti i punës në bashkitë që drejtohen nga demokratët dhe ato që drejtohen nga socialistët, duke shtuar se duhej bërë krahasimi dhe më pas dallimi.
Rama deklaroi gjithashtu se, opozita bëri një vetëvrasje politike. Ndërkohë, kryesocialisti bëri edhe disa krahasime që sipas tij janë të dukshme midis socialistëve dhe demokratëve.
“Kanë të drejtë e të na shajnë sa të duan. Nuk kanë gjë tjetër në dorë veçse të vetëvriten politikisht. Ajo (opozita), vendosi vetë të mos hynte në zgjedhje. Ne kemi nje favor, jemi shumë, ata kanë një disfavor, janë pak. Ata i binden dhunës, por ne jemi të vendosur për të ecur përpara. Ne nuk jemi më të mirët, por më të mirë se ne nuk ka.
Kujtoni vetëm disa vite më parë. Ata prish, ne rregullo. Ata bëjnë pis, ne pastro. Ata përça e sundo, ne mblidh e pastro. Ata vendosën vendin në piramida e borxhe, ne ul borxhet dhe gjallëro ekonominë. Kujtoni Tiranën e tyre, shkikoni Tiranën tonë. Kujtoni Fierin e tyre, shikoni Fierin tonë. Kujtoni Dibrën e tyre, shikoni Dibrën tonë. Mjafton të krahasoni se ku jemi sot dhe ku ishim dje.
Shikoni se çfarë bënë ata me Shkodrën për 30 vjet me radhë, dhe shikoni çfarë bëmë ne me Vlorën vetëm në 4 vjet”, tha Rama. Por nëse kryeministri me deklaratën e tij, kishte parasysh vetëm aspektin partiak të drejtimit të bashkive dhe asgjë tjetër, si mundet ta ketë harruar se Vlorën përpara Dritan Leli e drejtonte një tjetër socilist, Shpëtim Gjika?!
(F.GJ/FAXWEB.AL)
Discussion about this post