Kryeministri Edi Rama vijon të bëjë përpjekjet duke dhënë mesazhe edhe ndaj liderëve të Bashkimit Europian për të marrë një vendim për dy shtetet e Ballkanit Perëndimor, Shqipërinë dhe Maqedoninë e Veriut lidhur me hapjen e negociaytave.
Pavarëisht se të paktën dy shtete, Franca dhe Hollanda janë shprehur kundër procesit të zgjerimit momentalisht duke insistuar njëra në një reformism të këtij procesi dhe tjetra që ka shprehur pakënaqësi në reformat në vendet përkatëse, sidomos ndaj Shqipërisë, ende nuk është dhënë një konfirmim përfundimtar të vendimit.
Pas takimit me kryeministrat europianë të që vijnë nga radhët e Partive të majta, (PSE), dhe komisionerëve Rama shprehet se u diskutua një vendimmarrje pozitive në Këshillin Europian për çështjen e negociatave.
“Sëbashku me Kryeministrin Zayev në takimin e kryeministrave europianë të PSE dhe komisionerëve europianë të familjes sonë politike në BE, ku diskutuam për rëndësinë që ka për Bashkimin Europian, e jo vetëm për Shqipërinë e për Maqedoninë e Veriut, një vendimmarrje pozitive në Këshillin Europian” shkruan kryeministri shqiptar.
(F.GJ/FAXWEB.AL)
