Kryeministri, Edi Rama ka qenë i ftuar mbrëmjen e sotme në emisionin “Tonight Ilva Tare” në televizionin “Ora News”, ku ka folur për çështjet më të diskutuara kohët e fundit.
Përveç ironisë që shpesh përdror ndaj opozitës, Rama nuk e ka kursyer një dozë të vogël edhe për gazetaren që kishte përballë.
Ndërsa Ilva Tare e pyeti nëse ka ushtruar ndikim te partitë shqiptare në Maqedoni, kryeministri I është përgjigjur: Kjo pyetje vlen sa 40 pyetje të tjera të shtruara më parë.
BISEDA:
Tare: Cili është roli juaj te partitë shqiptare në Maqedoni? E keni pasur si qëllim të mos lejoni Gruevskin të mos formojë qeverinë?
Rama: Kjo është një pyetje që vlen sa 40 të mëparshmet.
Tare: Mos vlerësoni nivelin e pyetjeve… nuk u kemi thirrur për këtë dhe nuk jeni për këtë punë.
Rama: Sigurisht që unë mund të bëj vlerësimet e mia, ju mund të bëni tuajat nuk keni ekzkluzivitet të vlerësoni.
Tare: Unë jam në anën e publikut, ju jeni në detyrë qeveritare.
Rama: Unë e përfaqësoj publikun këtu, ju përfaqësoni pronarin. (qesh)
Ironia thumbuese dhe ngacmimet vazhduan edhe më tej midis Ramës dhe gazetares, e cila tha që kjo ka të bëjë me synimin e kryeministrit për të qenë një lider rajonal. (D.D/Shuplaka)
Discussion about this post