Sonila Meço që prej mbylljes së televizionit ‘’Agon Channel” ka vendosur që të qëndrojë larg angazhimit të saj në median vizive.
Sigurisht nuk kanë munguar analizat e saj në median e shkruar, e megjithatë duket se rikthimi i saj do të jetë së shpejti.
Gazetarja e njohur e ka paralajmëruar prej disa ditësh këtë, teksa ka shkruar se bashkë me rikthimin e saj do të dalin në dritë edhe disa të vërteta që nuk janë thënë.
Së fundi ajo ka publikuar një foto me ish-sipërmarrësin e ‘’Agon Channel”, Francesco Becchetti.
Ky i fundit prej kohësh ndodhet në Londër, ndërsa në Shqipëri është shpallur në kërkim, për dyshime në lidhje me një skemë të pastrimit të parave.
E megjithatë tashmë ai shfaqet i pashqetësuar në lidhje me akuzat. Kujtojmë se ai ka pasur në pronësi edhe një klub në Ligën Angleze të futbollit.
‘’True story”, shkruan Sonila duke nënkuptuar kështu rikthimin e saj. Nuk mungon as shqiponja e bërë nga duart e tyre. Se ku na mbetet të presim, ndërsa me të drejtë lind pyetja: a do të jetë Francesco Becchetti i ftuari i parë në emisionin e saj?!
(E.K/FAXWEB)
