Kryeministri Edi Rama i përgjigjet live Partisë Demokratike dhe protestuesve që u ngritën kundër tij. Nëpërmjet komunikimit të përjavshëm javor, Rama shprehet se opozita është ngritur në protestë sepse ka frikë nga Reforma në drejtësi.
“Udhëheqësit e protestës i friken reformës në Drejtësi, ashtu siç i friket djalli temjanit. Nëpërmjet protestës duan të mbrojnë udhëheqësit e krimit, duan t’i hapin luftë Europës dhe SHBA-së me lloj lloj akuzash, dhe gjithe këtë frikë nga reforma, e maskojnë me thirrjen absurde për zgjedhje të lira dhe të ndershme.”, tha Rama.
Ndër të tjera kyeministri tha se është e drejtë e opozitës të protestojë paqësisht dhe e respekton vullnetin e tyre. Por fakti se udhëheqësit e opozitës protestojnë për zgjedhje të lira dhe të ndershme, sipas tij tingëllon qesharake, pasi nuk ka asnjë tentativë për të cënuar zgjedhjet.(D.D/Shuplaka)
Discussion about this post