Edi Rama i tha të shkonte në shtëpi nëse do t’u dilte krah artistëve, regjisori- Majkos: Ti të paktën nuk u bërë viç për lëkurë

Seanca e djeshme plenare është shoqëruar me debate të forta midis opozitës dhe maxhorancës për shkak të votimit të projektligjit për Teatrin Kombëtar, i cili i hap rrugën prishjes së godinës ekzistuese.

Projektligji u miratua me 75 vota.  Por ajo që është vënë re, ka qënë mungesa e ministrit të PS-së, Pandeli Majko.

Sipas burimeve të Faxnews, mes Majkos dhe Ramës ka pasur një debat të fortë në lidhje me votimin.

Mendohet se Rama i beri presion Majkos duke i thënë “Nëse s’do votosh, ik në shpi. Mua mos më bëj numra”.

Ndërkohë që ky veprim është përshëndetur dhe nga regjisori Kastriot Çipi, i cili ka falenderuar ministrin socialist.

 “Faleminderit Pandeli Majko! Të paktën ti nuk u bëre viç për lëkurë! Të presim në sheshin e Teatrit, në sheshin Demokracia!”

Më herët, me anë të një letre të hapur, Çipi i ka kërkuar Majkos që të tërhiqet duke i kujtuar se janë e njëjta gjeneratë dhe se  ishin me të në të njëjtën sallë, kundër partisë-shtet.

Çipi i kujtonte Majkos, se në ato kohë, 28 vjet më parë, ëndrrat për të cilat luftuan të gjithë së bashku dhe dy rastet kur ai mbrojti godinën e Teatrit Kombëtar.

(M.Q/Faxweb.al)