Edi Rama: A ka budallenj midis jush që besojnë se SHBA dhe BE lejojnë kapjen e Drejtësisë

Kreu i qeverisë Edi Rama ka reaguar sot në lidhje me zgjedhjen e kruyeprokurores së re të vendit Arta Marku.

“Shfaqjen e sotme e dha opozita por faturën e merr përsëri gjithë vendi, që është më afër se kurrë çeljes së negociatave në BE dhe nuk meriton as baltën, as tymin dhe as dëshpërimin e opozitës që udhëhiqet nga frika e reformës në drejtësi. 

Bëra sa munda dhe sinqerisht nuk e di se cfarë mund të bëja më shumë për të çelur dialogu e opozitës lidhur me zgjedhjen e prokurorit të përkoshëm.Ka dy vjet që bëhemi gazi i botës si një rast unikal në të gjitha vendet e botës, ku oipozita i kundërvihet reformës në drejtësi.

ëta lanë nam sot në sallën e Kuvendit. A ka budallenj që të besojnë sot që SHBA dhe BE duan që qeveria të kapë drejtësinë. A ka budallenj që ndërkohë që Shqipëria pret të çel negociatat SHBA dhe BE lejojnë marrjen në dorë të drejtësisë nga qeveria”, u shpreh Rama.

Rama gjatë fjalës së tij falenderoi dhe Adriatik Llallën. Kryeministri madje përmendi emrat e tre kryeprokurorëve të sulmuar më herët nga qeveria e Sali Berishës.

“Dua t’ju kujtoj gjithë shqiptarëve se Maks Haxhia, Arben Rakipi dhe Ina Rama u zgjodhën të gjithë me miratimin e Sali Berishës dhe të gjithë u masakruan publikisht dhe u baltosën po nga Berisha dhe partia e tij. Pse? Se u munduan të bëjnë detyrën. Adriatik Llalla të cilin dua ta falenderoj sot për punën dhe kontributin ku në më shumë se një rast ka vepruar me ndjekje edhe ndaj anëtarëve lart në qeveri nuk u pengua kurrë dhe as u sulmua nga qeveria që unë drejtoj, sepse ne jemi ndryshe”,- tha Rama.

(E.K/FAXWEB)