“Edi Rama ka publikuar 5 dosje për Ilir Metën, kërkon ta burgosë”

Në një lidhje direkte nga çadra e opozitës, Kreshnik Spahiu është shprehur se Edi Rama kërkon të burgosë Ilir Metën.

Sipas kreut të Aleancës Kuq e Zi, Rama i ka publikuar Metës rreth 5 dosje dhe qëllimi i tyre ka qenë burgosja e kreut të LSI.

I pyetur nga Opinion nëse kishte dijeni për darkën që ata janë duke konsumuar, Spahiu ka thënë se sa herë që Meta konsumon darkë më pas ndodhin gjëra të mëdha.  

“Gjithmonë kur Ilir Meta ha darkë, pas darkave ndodh diçka. Ilir Meta ka gjakftohtësinë për të kuptuar kundërshtarin i cili pret çdo moment për të burgosur Ilir Metën. Edi Rama ka publikuar 5 herë përgjime dhe dosje të Ilir Metës”, është shprehur më tej Spahiu. 

Protestës së opozitës politike i është bashkuar edhe Aleanca Kuq e Zi e cila ka kristalizuar qëndrimet e saj politike dhe kampin me të cilin shkon në zgjedhje.

(M.D/ Shuplaka)