Kryeministri Edi Rama ka qenë i pranishëm sot në seancën stërvitore që po kryen Kombëtarja Shqiptare e Futbollit, përpara ndeshjes që ka në mbrëmje me Islandën në ‘’Elbasan Arena”.
Mësohet se pas stërvitjes, Rama ka pasur një takim me lojtarët, ku i ka inkurajuar ata për mbrëmjen e sotme. Në këtë takim Andi Lila ka ngritur edhe shqetësimin e heqjes së pasaportave diplomatike që iu ka bërë Gent Cakaj lojtarëve të Kombëtares, pavarësisht se pak kohë më parë ishte vetë Rama ai që ua kishte dorëzuar. (lexo edhe ketu)
“Kush të ka thënë që do hiqen pasaportat?! Nuk ka për të ndodhur diçka e tillë”, është shprehur Rama, duke qetësuar futbollistët.
Duket se kjo sfida me Islandën është marrë seriozisht dhe nga krerët e shtetit, pasi edhe Ilir Meta, presidenti i Republikës ka dhënë një mesazh në rrjetet sociale, sot në mëngjes.
Pas humbjes me Francën, Armand Duka, reagoi duke bërë thirrje që “Vip”-at ta mbështesin kombëtaren edhe në rastet kur ajo humbet, dhe mos të vrapojnë me eufori për rezultatet e Kosovës. Disa orë më vonë ai ka postuar dhe një foto me ekipin e Kombëtares me nje mbishkrim të tipit moralist:
Kur fitojnë mbajnë radhë të të tregojnë sa të duan, kur humbet e ke ti radhën t’u tregosh se sa vlen.
(E.K/Faxweb.al)
