Kryeministri Edi Rama e ka ndarë mendjen që të krijojë një televizion të mirë strukturuar të tij, që transmetohet live në rrjetet sociale.
Pasi i konkuroi mediat me intervistat e pasdites, ku një punonjës i zyrës së shtypit, del e pyet zyrtarë dhe deputetë të PS-së, sot kryeministri ka dalë me një koncept të ri.
‘’Ekskluzive e ERTV-së”, kështu e ka quajtur kryeministri videon e sotme nga takimi që ka pasur dje në Mirditë në një pikë të re turistike.
“ERTV Eskluzive. Dje në Mirditë -Aty ku deri dje turizmi ishte një fjalë boshe dhe sot po lind si një industri e re falë mendjes e duarve të arta që ndërtojnë të ardhmen me talent e punë këmbëngulëse”, shkruan Rama bashkëngjitur videos.
Mesa duket shumë shpejt me këto ritme do të kemi në ekranin e kryeminsitrit dhe ndonjë debat politik. Kur thotë vetë ai ”s’kemi parë asgjë akoma”.
(E.K/FAXWEB)
