Deputeti i Partisë Demokratike, Genc Ruli, e ka cilësuar “lider disastër” (shkatërrues) kryeministrin Edi Rama, si dhe problematik. I ftuar në emisionin “Vila 24”, ai e akuzoi Ramën si një lider të lidhur me kriminelët, ku ndër këto katër vite është kulmuar lidhja e politikës me kriminelët.
Sipas Rulit në Shqipëri funksionojnë tre kartele të fuqishme, të cilat janë ai politik, ekonomik dhe karteli i drogës.
“Sot funksionojnë tre kartele. Karteli politik, karteli i drogës dhe karteli i ekonomik i një grushti të vogël njerëzish, të cilët janë të lidhur me Ramën”, u shpreh deputeti demokrat.
Lidhur me kërkesën e opozitës për krijimin e qeverisë teknike, ai shprehu besimin se krijimi i saj do të arrihet: “Unë besoj se do të realizohet. Disa kolegë të mijë japin një përkufizim më të mirë për qeverinë e besimit, sepse ekziston mungesa e besimit për mbajtjen e zgjedhjeve të lira. Nuk mund të ketë zgjedhje në këtë situate.”
(XH.A/SHUPLAKA)
