Edi Rama mbledh Kryesinë e PS-së, Balla tregon dy ligjet e rëndësishme që do votohen ‘vetëm’

Është mbledhur mëngjesin e kësaj të hëne kryesia e Partisë Socialiste.

Kjo është një mbledhje e radhës, por në fokus të saj me siguri ka qenë qëndrimi që do të mbajë mazhoranca pas djegies në bllok të mandateve të deputetëve nga opozita.

Deri tani mazhoranca është shprehur e vendosur për të vijuar më tej, pavarësisht kërkesave të opozitës për qeveri kalimtare dhe zgjedhje të parakohshme.

Ndërkohë që në një prononcim të shkurtër pas mbledhjes kreu i grupit të PS-së Taulant Balla u shpreh se puna do të vijojë pavarësisht qëndrimit të PD-së dhe të LSI-së. Balla tha se mazhoranca do të votojë dy ligje të rëndësishme që janë KLP dhe KLGJ.

Ajo që u vu re në radhët e deputetëve socialistë ishte ‘frika’ për t’u prononcuar përpara gazetarëve, ndërsa si rrallëherë edhe ministrja Elisa Spiropali u tregua gojëkyçur.

(E.K/FAXWEB.AL)