U bë kohë që tashmë kryeministri i vendit është ‘’Edi Rama tv show”. Po sigurisht që për të pasur një vëmendje maksimale nga ana e publikut nuk i mjafton veçse ‘’ERTV”-ja e tij.
Megjithëse teknologjia ka përparuar ndjeshëm, kryeministri i vendit e di fare mirë se jo të gjithë votuesit e tij kanë akses në rrjetet sociale.
Ekipi i PR-it i është futur punës, dhe ka menduar se ku më mirë se Rama të shfaqet në ekran të dielave, në një nga emisionet që supozohet t’i përkasë ambjenteve familjare.
Pikërisht në emisionin e Ardit Gjebresë, Rama ka vendosur herë si babagjysh dhe herë të tjera si shumë i kujdesshëm ndaj fëmijëve me probleme, apo shtresave të caktuara sociale.
Gjithçka ka nisur mbrëmjen e ndërrimit të viteve, data 31 dhjetor, ku kryeministri si babagjysh u shfaqë përpara Leos së paralizuar dhe Eriglisës, një vajze që i përkiste komunitetit egjiptian.
Aty premtoi se do të blinin nnjë makinë për Leon dhe Eriglisa do të punësohej në Ministrinë e Mirëqënies Sociale si këshilltare.
Në datën 7 Janar, Rama u shfaq po prapë, këtë herë për të shoqëruar Eriglisën në vendin e saj të punës,së bashku me Gjebrenë.
E sipër të vënë pikën mbi i u shfaq prapë gjatë ditës së djeshme, këtë herë për të çuar mjeken në banesë e Leos së vogël.
A është ky shembulli më i mirë i qeverisjes?! Kush del në ekran, i zgjidhen hallet, dhe pjesa tjetër nuk ekziston.
Si Leo dhe Eriglisa mund të ketë me qindra të tjerë, që nuk kanë zë, nuk kanë Arditin që t’iu bëjë publike problemet e tyre.
A është kjo rruga që Rama ka zgjedhur të ”lajë fytyrën” e qeverisë nga hijet e shumta të skandalit, ne themi se po…
(E.K/FAXWEB)
Discussion about this post