Në intervistën ekskluzive dhënë për “Opinion”, kryeministri Edi Rama, ka folur ndër të tjera edhe për pasionet e tij. Dhe një ndër më të rëndësishmit është pasioni i tij për basketbollin, pasion që i përket jetës së parë të tij, as të dytës (të tashmes), e as të tretës (të ardhmes).
Ndër pyetjet që Blendi Fevziu i drejtoi ishte dhe ajo lidhur me praninë e një koshi në oborrin e Kryeministrisë, të cilin Rama e përdor për të shfryrë nervat ose për tu relaksuar.
I pyetur nëse ka ftuar për të luajtur miq të tij, ndër ta Beqajn, kryeministri rrëfeu se pavarësisht dëshirës nuk e ka ftuar as Beqajn, e as të tjerë. “Nga e thëna në të bërë është në mes një det i tërë”, është shprehur ai.
Pjesë nga intervista
Fevziu: Kam dëgjuar që lozni. Në oborrin e Kryeministrisë keni dhe një kosh. Thonë që sa herë lodheni, ose i bërtisni vartësve, zbrisni hidhni disa topa.
Kryeministri: Ideja ka qënë që të mund të ftoja ndonjëherë shokët e mi të vjetër, që kanë qenë basketbollistë shumë më prej vërteti, Gaz Çaçi etj..
Fevziu: Edhe Beqajn?
Kryeministri: Edhe Beqajn. Por nuk e kam bërë asnjëherë, sepse nga e thëna në të bërë, është në mes një det i tërë dhe kur janë në mes 50 vjet, atëherë, mendja të thotë se mund të kërcesh, gjuri të thotë ndalo se mund të biesh.
Fevziu: Shpresoj që nuk ka filluar e gjithë qeveria që të gjuajë kosha, e keni vetëm ekskluziv tuajën?
Kryeministri: Jo, nuk është se përdoret në fakt, për fat të keq, ashtu siç do doja.
(XH.A/SHUPLAKA)
Discussion about this post