Kryeministri Edi Rama do të jetë sot në Malësinë e Madhe dhe në Shkodër, ku pritet që të prezantojnë kandidatët për kryetarë Bashkie në këto qendra të veriut. Vizita e Ramës u prit me protesta nga demokratët të cilët i kishin bllokuar rrugët hyrëse në qytet, por më kot. (lexo edhe ketu)
Vetë kryeministri ka zgjedhur që të shkojë prej mbrëmjes së djeshme në Vermosh, duke shmangur në këtë mëyrë dhe protestën dhe revoltën e qytetarëve. Lidhur me këtë situatë Rama ka reaguar dhe në Twitter ku shkruan:
Rrugës për Malësi të Madhe. Sinqerisht i keqardhur për grupet e vogla të njerëzve të mbledhur kthesave nga ata që pasi e çuan në qorrsokak pd, orvaten më kot të çojnë në qorrsokak edhe Shqipërinë! Pak nga pak edhe këta njerëz do e kuptojnë se fajin u’a kanë udhëheqësit e verbër
Të pranishëm protestën që u zhvillua paraditen e sotme ishin dhe ish-deputetët Flamur Noka dhe Bardh Spahia.
Spahia u shpreh se Policia po provokonte qytetarët.
“Kjo protestë është kundër kryeministrit më të paaftë që ka pasur ndonjëherë Shqipëria, mikut të bandave kriminale të drogës. Forcat e Policisë po provokojnë qytetarët që po protestonin në mënyrë paqësore”, u shpreh Spahia.
Protestuesit mbanin në duar pankarta “Shkodra nuk gjunjëzohet” dhe thërrasin “Rama ik”.
(E.K/FAXWEB.AL)
Discussion about this post