Kreu i Partisë Demokratike, Lulzim Basha së fundmi ka denoncuar shpesh faktin se punonjësit që kanë bërë pushim për shkak të pandemisë nuk kanë marrë përkrahje nga shteti, ndërsa për këtë ka folur kryeministri Edi Rama i cili tha se ata që thonë përmes videove selfi janë mashtrime.
Rama deklaroi se deri në mesin e qershorit do të ketë një listë të plotë të emrave që kanë përfituar pagat e ndihmës financiare, ndërsa shtoi se brenda këtij afati do të bëhet publike lista e emrave dhe mediat mund t’i verifikojnë.
“Së pari kam parë disa spekulime të bëra që natyrisht janë edhe të nxitura. Një fasonëri ku njerëzit dalin dhe thonë nuk na kanë dhënë asgjë. Ne kemi bërë analizat, ne nuk mund të paguajmë njerëz civil, por të gjithë ata që qoftë edhe një ditë kanë humbur mundësinë për punë. Ata që janë përgjigjur pozitivisht janë shumë. Janë 4500 që i kemi kaluar disa herë, por edhe tani që po flasim po kalojnë paratë tek punonjësit. Tani po vijojmë me shqyrtimin e ankesave. Tatimet kanë bërë edhe punët e kompanive për të mos i lënë njerëzit jetim, se ne nuk jemi ty të takon por e ka fajin kompania. Ne kemi qenë aty, tatimet kanë bërë punën e tyre sidomos me kompanitë që nuk përgjigjen.
Ato do të ndëshkohen për mungesë solidariteti, por në fund punonjësve nuk ju intereson kjo, duan lekët. Kjo histori me video selfi me premtime të pambajtura. Janë të shëmtuara, janë të turpshme dhe mbi të gjitha janë të sajuara. Sigurisht, i kemi me emra që ka njerëz që si kanë marrë. Por kur të mbarojë e gjithë brenda mesit të qershorit ne do të bëjmë publikimin e emrave, njerëzit me emër dhe mbiemër që mund t’i shikoni i kanë marrë apo si kanë marrë. Kur të dali emri ju shkoni dhe pyesni i kanë marrë apo si kanë marrë. Dhe përsëri s’ka asgjë perfekte por ne do rrimë pronto, për dikë që mbetet jashtë skeme për një arsye apo për një tjetër. Nga ana tjetër ne e dimë shumë mirë se pjesa më e mirë kanë rinisur punën”, tha Rama.
(F.GJ/FAXWEB.AL)
