Kryeministri Edi Rama ka komentuar protestën e opozitës, duke e cilësuar atë si një manifestim të një grupimi të pafuqishëm dhe të humbur, që është larg çdo alternative të denjë për Shqipërinë. Sipas Ramës, këto protesta nuk janë asgjë tjetër përveçse një përpjekje e pasuksesshme për të fshehur dështimin politik të një opozite që ka humbur lidhjen me realitetin dhe nevojat e qytetarëve.
Rama i ka bërë thirrje shqiptarëve që më 11 maj të përdorin fuqinë e votës për të çuar përfundimisht në një humbje për këtë opozitë, duke theksuar se Partia Socialiste është e vetmja forcë politike që mund të udhëheqë Shqipërinë drejt një të ardhmeje të sigurta dhe prosperuese, përfshirë integrimin e plotë në Bashkimin Europian.
“Vetëm duke i dhënë fund kësaj ‘kënete’ politike, shqiptarët mund të krijojnë mundësinë për një opozitë të denjë, që do të ndihmojë në forcimin e demokracisë dhe stabilitetit të vendit,” ka theksuar ai.
