Edi Rama, që prej javësh ka nisur fuqishëm reformën e tij ”të fshesës në administratë”, ka menduar, paralel me këtë gjë, të zbatojë një aksion me interes për veten dhe njerëzit e tij të besuar.
Disa ditë më parë, pas shkarkimit pa motivacion të ish-drejtorit Majlind Lazimi, Rama ka emëruar në krye të Postës Shqiptare kandidatin e tij socialist në qarkun e Gjirokastrës, Laert Duraj.
Duraj nuk arriti të fitonte mandatin e deputetit por me sa duket nuk është aspak problem. Posti i rëndësishëm është planifikuar për të.
”Posta Shqiptare” varet nga Ministria e Ekonomisë, e cila është bashkuar tashmë me Ministrinë e Financave. Asokohe Lazimi u shkarkua nga politikania socialiste që e drejtonte ministrinë, Milva Ekonomi.
Ekonomi thoshte pas deklaratës së Lazimit, i cili do ta kallëzonte penalisht se kishte bërë detyrën që i caktonte ligji.
“Kam të drejtën me ligj për emërime dhe shkarkime. Jam në zbatim të detyrave që më jep ligji, nuk ka qenë e thënë asnjëherë për arsye fushate. Ka indicie për mënyrën se si punon një ndërmarrje.”, thoshte Ekonomi, me sa duket nxjerrë bllof nga emërimi më i fundit politik.
Rama së fundmi ka rënë në sy për qarkullimin e drejtuesve të besuar në poste të reja, rastet më të fundit risjellja në një post drejtues i ish-drejtoreshës së Tatimeve Brisida Shehaj dhe Luneda Sufalit, nga lojrat e fatit te drejtoria e Ministrisë së Shëndetësisë dhe Mirëqënies Sociale. (V.G/FAXWEB)
Laert Duraj gjatë fushatës me Bledi Çuçin, djathtas Edi Rama
Gjatë prezantimit të drejtorit të Ramës
Discussion about this post