Kryeministri Edi Rama ishte sot i pranishëm në ambjentet e Bankës së Shqipërisë ku u mbajt Mbledhja e Nivelit të Lartë të Konstituencës së Fondit Monetar Ndërkombëtar dhe Banka Botërore.
Në praninë e përfaqësuesve të FMN dhe BB, Rama u ndal edhe tek energjia e rinovueshme. Kryeministri synon që Shqipëria të jetë një vend ku prodhohet 100% energji e rionvueshme. Nga ana tjetër, ai shtoi se synohet që të kthehemi në eksportuese neto të energjisë duke shfrytëzuar energjinë nga era, dielli.
Edi Rama: Kur e nisëm këtë udhëtim problemi më i madh që kishim ishte kreditimi me probleme. Ishim në kufirin 25%. Ndërsa sot përqindja, sot kemi parë një rritje të kreditimit do të donim të ishte më i lartë, por baza është shumë inkurajuese. Mund të jeni në dijeni me reformën tonë që kemi ndërmarrë dhe tashmë ne ia kemi dalë që të kemi një situatë të qëndrueshme dhe të mos e rrisim më çmimin e energjisë ndonëse kemi qenë të sfiduar nga kriza globale e energjive, në vençanti nga kriza e energjisë në Europë. Synimi është ta kthejmë Shqipërinë një eksportuese neto të energjisë duke shfrytëzuar energjinë nga era, dielli. Të jemi një vend ku prodhimi i energjisë të jetë 100% i rinovueshëm. Duam të mos biem pre e tundimit për të gjetur zgjidhje të lehta. Dua ta mbyll me diçka të cilën vërtet mendoj se është një nga aryset e suksesit tonë. Që është bashkëpunimi i ngushtë me BB dhe dialogut prdouktiv që kemi falë misionit të BB në Shqipëri. Asnjëherë nuk e kam menduar derisa u bëra kryeministër, nuk e kisha çuar ndër mend se do të thoja ndonë fjalë, të mirë për BB deri kur u bëra kryeministër.
Discussion about this post