Kryeministri Edi Rama ka reaguar në lidhje me çështjen e Teatrit Kombëtar, duke ju përgjigjur presidentit Ilir Meta, i cili tha se çështja duhet të shkojë në Gjykatën Kushtetutese.
“Së pari thatë që pas shpine, unë shoh një grup njerzish që kanë thyer të gjitha rregullat aktuale të ditës sotme në kundërshtim me aktin normativ dhe rrezikun e përhapjes së virusit. Në kushte kur është rreptësisht e ndaluar që njerëzit të manifestojnë, ky është fakt. Ashtu siç ndodhi në Durrës ku kryetari i PD-së shkel të gjitha rregullat dhe organizon një takim në lokale, rreptësisht e ndaluar, vend i mbyllur pa asnjë distancë dhe pa ansjë rregull. Kjo nuk është shfaqja e një qëllimi politik, por është një çështje e rrezikshme për shkak të pandemisë.
Kjo punë që nuk më lë të përgjigjem, për një pyetje çarçaf…e harroj presidentin me kënaqësinë më të madhe, se nuk dua të bëj polemika me Presidentin, por Presidenti nuk është as drejtori i Urbanistikës, as kryebashkiak, as kryeministër, s’ka asnjë tagër të vendosi për kompetenca ekskluzive të të gjitha këtyre instancave, ka të drejtën e vet të mendojë ndryshe, të bëjë ato që sheh të arsyeshme brenda kornizës së vet të veprimit por, jo presidenti por asnjë tjetër që s’ka mandat e kontratë me popullin shqiptar për të bërë detyrat që i takojnë një qeverie e një pushteti vendor, s’ka shans ta ndalojë veprimtarinë e pushtetit ekzekutiv“, tha Rama në një intervistë me emisionin Opinion.
Discussion about this post