Kanë dalë detaje nga mbledhja që kryeministri Rama ka pasur sot me deputetët e PS-së. Burime nga mbledhja bëjnë me dije se Rama ka qenë i ashpër me punësimet në administratë, duke dënuar çdo ndërhyrje nga ana e deputetëve.
Rama ka kërkuar nga deputetët e tij që të shpërndahen nëpër zonat e tyre elektorale, pranë qytetarëve, pasi ata kanë më shumë nevojë për praninë e tyre.
‘’Mos u merrni me punësime me sms. Zgjedhjet në administratë duhet të bëhen përmes konkurseve. Lërini konkurset të funksionojnë. Shperndahuni nëpër zona sa më pranë qytetarëve. Ata kanë halle, pse nuk jeni pranë tyre. Bëni kujdes me qytetarët”, mësohet të jetë shprehur Rama.
Pas çdo mbledhje ky është konkluzioni që raportohet në media, po ajo që mbetet në pikëpyetje është fakti se nëse Rama ka të dhëna për akte korruptive, pse nuk i bën ato publike.
(E.K/FAXWEB.AL)
Discussion about this post