Kryeministri Edi Rama ka reaguar për titullin e nderit që është dhënë për Gafurr Mazrrekun në mbledhjen e grupit të PS-së.
Ditën e sotme me propozimin e këshilltarëve të Partisë Socialiste Bashkia e Hasit ka shpallur qytetar nderi Mazrrekun, i cili në kohën ku ka qenë deputet ka qëlluar me armë në Kuvend Azem Hajdarin.
Rama ka shprehur habinë ndaj deputetëve se si ka mundësi që këshilltarët bashkiakë të veprojnë në kokën e tyre, pa pyetur më herët njësitë drejtuese të partisë.
Rama u është drejtuar deputetëve me fjalët: Turp! S’duhet të ishte propozuar asnjeherë. Ç’janë këta këshilltarë që bëjnë këto propozime pa pyetur e ne nuk dimë gjë. Ç’janë këta të zgjedhur vendorë që bëkan dhe peticione kundër nesh?!
PD e ka denoncuar më herët këtë skandal që po ndodhte sipas saj, dhe bënte përgjegjës në mënyrë direkte kryeministrin Rama.
Ky akt është konsideruar i papranueshëm dhe nga këshilltarët e djathtë në bashkinë e Hasit, të cilët janë shprehur se gjithçka ka ndodhur fshehtas, teksa në mbledhje ka pasur 10 minuta pushim. Ata nuk kanë qenë të pranishëm në momentin e votimit.
(E.K/FAXWEB.AL)
Discussion about this post