Kreu i qeverisë Edi Rama ka reaguar pas takimit që ka zhvilluar sot me ambasadoren e re të SHBA-ve në vendin tonë, Yuri Kim.
Rama shprehet se ka qenë një koiçidencë e bukur, që menjëherë pas këtij takimi, qeveria ka kaluar paketën ANTIKÇK, që synon ti japë fund krimit të organizuar.
Kryeministri Rama në Twitter:
Takimi i mirëseardhjes së ambasadores amerikane Yuri Kim me fokus në prioritetet e përbashkëta si dy vende aleate. Koinçidencë e bukur mbledhja e mëpastajme e qeverisë, ku kaluam paketën AntiKÇK&Ligjin Special për masat pasurore ndaj krimit të organizuar.
Siç shihet dhe në fotot e publikuara nga Rama, në fund të takimit, ai i ka dhuruar ambasadores së re Kim, disa nga pikturat e tij, të cilat i ”shkarravit” gjatë mbledhjeve të qeverisë.
Që prej mbërritjes së saj në Tiranë, Kim ka zhvilluar takime me presidentin Meta, disa prej ministrave më të rëndësishëm të qeverisë, si dhe me drejtuesit e institucioneve të reja të drejtësisë, që duket se do të jenë dhe prioriteti i mandatit të saj.
Që në fjalën e saj përshëndetëse, Kim kërkoi që të ketë një luftë më të madhe ndaj krimit të organizuar, që sipas saj do të shtonte investimet e huaja në vendin tonë, dhe do të përmirësonte klimën e biznesit.
(E.K/Faxweb.al)
Discussion about this post