Edit Harxhi e cila nuk u bë pjesë e listave të PD-së në zgjedhjet e 25 qershorit ka deklaruar se Basha brenda partisë po prish boshtin idelogjik pasi nuk lihen jashtë figura të njohura si Topalli, Imami e të tjerë që janë edhe idelogjia e kësaj partie.
“Si konsevatore që jam unë besoj shumë në ciklimin e figurave. Elitat kanë shumë nevojë të qarkullojnë se edhe zhvillimet politike në vend janë shumë të shpejta. Pikërisht se besoj në konsevatorizmin, elitat qarkullojnë brenda strukturave dhe tashmë ato janë pjesë e një institucioni. PD është një lëvizje, është frymë, dhe kemi pasur kritika pse nuk funksionojnë aq mirë sa ç’duhen është se mblidhen në moment zgjedhjesh. Për këtë arsye deklarata që ka bërë Basha para ca ditësh është shumë e drejtë por në një sistem si PD elitat duhet të qarkullojnë brenda sistemit dhe jo jashtë sistemit, si në rastin konkret.
Zonja Bregu është më vonë në politikë. Por, kur flasim për personalitet si Topalli dhe Imami që lihen jashtë partisë prishet boshti ideoligjik i kësaj partie.”, u shpreh Edit Harxhi.
Më tej ajo na ka treguar edhe detaje nga familja e saj.
“Kjo është më shumë e lidhur me periudhën. E mbaj mend në vitin e tretë kur kam parë ngjarjet e Berlinit dhe revolën në Rumani, në ato pak momete që mund t’i transmetonte televizoni shqiptar. Që në gjimnaz unë kam qënë shumë e zellshme në këtë aspekt dhe te “Petronini Luarasi “unë kam pasur reagimet e para. Familja ime është një familje e djathtë, dhe gjyshërit e mi kanë qenë e djathtë, unë nuk kam qenë një familje e presektuar si të gjithë shqiptarët në këtë regjim. Vij nga një familje ish-pronarësh, të njohur.”, u shpreh Edit Harxhi. (J.V/Shuplaka)
