Edmond Bego, i njohur si biznesmen në fushën e ndërtimit u arrestua dy ditë më parë teksa po kthehej nga pushimet në Korfuz dhe përmes Igumenicës do të kalonte për në Shqipëri.
Biznesmeni i cili u la në burg ditën e sotme nga gjykata e Igumenicës me pretendimin se ishte shpallur në kërkim nga autoritetet italiane për pjesëmarrje në organizatë kriminale, kontrabandë dhe trafikim të drogës (heroinë-kokainë), akuzë për të cilën është dënuar me 21 vite burg nga ky shtet, ka folur pak pas arrestimit.
Bega ka deklaruar në policinë e Igumenicës se në lidhje me akuzat që e arrestuan ai e kishte kryer dënimin në Shqipëri.
“Është e vërtetë që unë jam Edmond Bego. E kam ndërruar identitetin, por për akuzat që ju më keni ndaluar unë e kam bërë burgun në Shqipëri”, ka deklaruar 48-vjeçari në komisariatin e Igumenicës.
Biznesmeni Bego kishte ndërruar emrin në pasaportë në Mond Bega dhe me këtë emër kishte kaluar nga Shqipëria në Korfuz.
Kujtojmë se Bego ka qenë për një periudhë kohore edhe president i klubit lushnjar. Policia shqiptare e ka arrestuar disa herë Begon për trafik dhe shitje droge.
Arrestimi i Begos solli një sërë deklaratash dhe akuzash mes politikës në vendin tonë, se kush e kishte vonuar arrestimin e tij derimë tani.
Deputetët Edi Paloka dhe Edmond Spaho akuzuan deputetin socialist Taulant Balla se ka lidhje trafiqesh dhe se ka favorizuar me dhënie tenderash publike Edmond Begon.
(E.V/Faxweb.al)
Discussion about this post