Edhe eurodeputeti i djathtë, Eduard Kukan është në një mendim me deklaratat e raporterit për Shqipërinë në Parlamentin Evropian, Knut Fleckenstein, duke u shprehur kundër bojkotit të Kuvendit nga ana e opozitës.
“Opozita ka ende shumë punë për të bërë para zgjedhjeve parlamentare, në Kuvendin e Shqipërisë, bojkoti nuk e ndihmon atë t’i mbarojë këto punë” shkruan ai përmes një postimi në Twitter.
Kukan i bën kështu apel opozitës shqiptare, e cila ndodhet në ditën e katërt të protestës, që t’i kthehet punimeve të Kuvendit dhe komisioneve parlamentare. Reforma në Drejtësi është një nga reformat që preket më së shumti prej mungesës së opozitës në komision. Procedimi i mëtejshëm nuk mund të vazhdojë nëse ajo nuk merr pjesë (M.D/ Shuplaka)
