Ish-kandidati për kreun e Partisë Demokratike, Eduard Selami, i cili garoi kundër Lulzim Bashës pas zgjedhjeve të 25 qershorit, ka deklaruar se gara nuk ishte e barabartë por duhej bërë.
I ftuar në “Top Story”, Selami theksoi se gara në Partinë Demokratike “nuk nisi si e barabartë, por ishte gjëja e duhur për t’u bërë”.
Unë i qëndroj asaj që nuk bojkotohet partia. Kritikët nuk i shërbyen as vetes dhe as Partisë Demokratike. Kam thënë që fushata ishte e pabarabartë dhe e padrejtë, por unë sërish e njoh legjitimitetin e zotit Basha sepse mendoj se është në të mirë të forcës sime politike”, deklaroi Selami.
Ai ka folur edhe për kritikat e Berishës ndaj Bashës duke i cilësuar të drejta port ë vonuara. Selami tha gjithashtu se lista nuk është bërë pa bekim e Berishës.
“Nuk besoj se lista është bërë pa bekimin e Berishës. Kritikat që i ka bërë Bashës janë të vonuara, por të drejta. Por, për mendimin tim, nuk besoj se lista që paraqiti Lulzim Basha është bërë pa miratimin e Sali Berishës”, tha ai. (B.H/Shuplaka)
Discussion about this post