Kandidati për postin e kryetarit të PD-së Eduard Selami, përmes një konference për mediat nga selia blu, ka deklaruar se procesi zgjedhor ka patur disa problematika.
“Dua të falënderoj të gjithë ata që kanë votuar në këto zgjedhje historike për të ardhmen dhe për rrugën që do të marrë PD, e cila është në krizën e saj më të madhe në 27 vite. Dua të falënderoj edhe përfaqësuesit e mi, se nuk është e lehtë të jesh përfaqësuesi i Selamit në këto zgjedhje. Kujtoj që gara nuk është e barabartë. Ka patur ndërhyrje të disa kryetarëve të degëve, jo të gjihë. Kanë ndërhyrë, dhe u kanë kërkuar anëtarëve të votojnë Bashën, dhe kjo është e gabuar. Fotografia e Bashës është e vendosur në qendrat e votimit, dhe unë kam kërkuar që edhe kjo të mos jetë. Kjo është një shkelje e neutralitetit.
Ose nuk njeh rregullat e demokracisë ose nuk di se cfarë. Ka patur edhe raste të mungesës së emrit në listë, emra që do të votonin për mua, edhe pse është proces i paplotë është akoma në vazhdim, është shpejt për të nxjerrë përfundimi.
Është mbyllja, transportimi i votimit në qendër, do ishte më mirë të bëhej në rrethe, pastaj të niste numërimi. Patjetër kam besim të plotë, por që procesi duhet të ishte transparent, do ishte më mirë votimi nëpër degë. Jam në dijeni, por janë me dhjetëra raste, qindra raste. Ky është një proces, nuk mund të ishte perfekt në këtë kohë, nëse do kishim kohë nëse zoti Basha nuk do mendonte vetëm për karrige n nuk do të ndodhte kështu. Për të folur përfundimisht, procesi është akoma në zhvillim dhe vendimi do merret. Zoti Patozi ka bërë disa kërkesa, unë kam telefonuar dhe i kam thënë që bojkoti nuk ndihmon demokracinë dhe të gjitha ato rezerva që ka patur t’i kalonte në komision.”, ka deklaruar Selami. (D.D/Shuplaka)
Discussion about this post