Kryetari i Partisë Demokristiane Eduart Ndocaj ka deklaruar zyrtarisht kandidaturën e tij për kryeministër në zgjedhjet parlamentare të 25 qershorit.
Eduart Ndocaj u ka bërë thirrje qytetarëve dhe mbështetësve që ta votojnë për kryeministër të ardhshëm.
“Sapo është miratuar fleta e votimit për zgjedhjet e 25 qershorit. Numri 7 në fletën e votimit për të marrë pjesë në zgjedhje është Partia Bashkimi Demokristian Shqiptar (PBDKSH).
Ndocaj ka vendosur të hyjë në zgjedhje i vetëm dhe kjo i jep të drejtën dhe kurajën të jetë konkurrent për kryeministër.
Vota e qytetarëve është ajo që përcakton kryeministrin e ri. Ndocaj është në garë i barabartë me subjektet e tjera dhe me një avantazh, i pakonsumuar, i papërlyer ne asnjë skandal për korrupsion apo abuzim me detyrën”, shkruan Ndocaj në rrjetet sociale.
Ndocaj ka qenë më përpara deputet i Partisë Socialiste, i cili kujtohet më së shumti për deklaratën e tij se kishte dhënë 500-mijë euro në fushatë për PS.
(M.D/Shuplaka)
Discussion about this post