Dekreti për mbetjet i Presidentit Nishani nuk është shqyrtuar sot nga deputetët në Parlament. Ai është shtyrë për në Janar, duke mos dhënë një datë të saktë për këtë ligj.
Sipas Shalsit nuk ka një teori konspirative për këtë ligj, por nëse ka ndryshime që duhet të bëhen ata janë shumë të hapur ndaj çdo propozimi. Në cilësinë e Kryetarit të Komisionit të Veprive Prodhuese ai e ka cilësuar importin e këtyre mbetjeve si oksigjen për Industrinë ricikluese.
‘’Nuk ka një kospiracion për shtyrjen e dekretit për mbetjet. Ka pasur debate, shqetësime në lidhje me këtë ligj, nga deputetë të Partisë Socialste dhe deputetë të Lëvizjes Socialiste për Integrim. Nëse është e nevojshme ne jemi të hapur për të dëgjuar çdo mendim ndryshe, ose për të ndryshuar në ndonjë pikë të ligjit sipas vërejtjes së dekretit të Presidentit. Edhe BE-ja në komunikimin e saj nuk lë vend për diskutim, pasi thotë që ky ligj nuk bije ndesh me rregullat dhe ligjet e saj.
Jemi të hapur dhe vullnetplotë ndaj çdo sygjerimi që bëhet. Nëse ka grup interesi, shoqëri civile, që duan të propozojnë amandamente. Importi nuk është qëllimi ynë, por mbetjet e riciklueshme do të vijnë , për ti dhënë pak oksigjen industrisë së riciklimit’’, është shprehur Shalsi. (E.K/SHUPLAKA)
Discussion about this post