Çifti i parë në Big Brother Albania janë Ejona dhe Ademi nga Berati. Të martuar dhe me një fëmijë të vogël, ata bëhen pjesë e lojës vetëm për të fituar “çmimin e madh” prej 100 milionë lekësh. Ata kanë një histori të dhimbshme, sidomos Ejona e cila për shkak të sëmundjeve të rënda humbi njëri pas tjetrit prindërit në moshë fare të vogël. Që nga ajo kohë jetoi me hallën e saj, që i dha një dashuri të pakufishme prindërore.
Por, kur ishte 14 vjeç, ajo diagnostikua me kancer dhe pas shumë kimioterapive arriti të mposhtë sëmundjen. Kur ishte 16 vjeç ajo u njoh me Ademin që është dashuria e parë dhe vetme e saj.
“Do ta fitojmë Big Brother që më në fund dhe ti të kesh një shtëpi”, i tha Ademi të shoqes, para se të futeshin në shtëpinë e “Big Brother-it”.
Më pas kur u futën në shtëpi dhe pasi panë edhe ambientet e dhomës, ejona u entuziazmua shumë pasi për herë të parë u ul në një krevat të vërtetë dopio, pasi deri më tani flinin në divan. (D.D/Shuplaka)
