Sot në emisionin “EkoFax” nga Mirilda Tili u trajtua rreth korrupsionit në vend, nëse është një mit apo realitet. Të ftuar për të diskutuar në lidhje me këtë fenomen kanë qenë Teuta Nunaj Kortoci, eksperte ekonomie, Aurora Halili, koordinatore e projektit në qendrën shqiptare për kerkime ekonomike si edhe eksperti Eduard Gjokutaj.
Ekspertja Kortoçi tha se korrupsioni është një realitet dhe është ulur “këmbëkryq” në vendin tonë.
Ajo shtoi se në studimet që kanë bërë, korrupsioni është në nivele të larta.
Kortoçi: Gjykoj se kemi të bëjmë me nje realitet edhe pse i hidhur i tranzicionit shqiptar. Korrupsionin e ndiejmë shumë të prekshëm. Ka dy element që mund ti masim në menyre te drejtperdejt për korrupsionin.
Së pari mund ti referohemi të gjitha rasteve që janë të proceduara nga drejtësia, ka pasur individe që ushtrojnë funksione publike të cilët janë proceduar për cështje penale për shkak të korrupisonit.
Elementi i dytë lidhet me atë që quajmë me individë që e realizojnë korrupsionin.
Në studimet që kemi bërë, rezultohet se niveli i korrupsionit është në nivele të larta.
Ajo cka ne paguajmë jashtë formales lidhet me korrupsionin. Kemi argumenta që korrupsioni është ulur kembëkryq për fatin tonë jo të mirë dhe është një nga treguesit që kemi dy problematike themelore, një reforme të administratës publike ende në proces, dhe e dyta pengesën që sjell korrupsioni në zhvillimin e ekonomisë në vend.
Sakaq eksperti Gjokutaj shtoi se korrupsioni qëndron përballë ekonomisë duke penguar edhe në realizimin e shumë projekteve.
Gjokutaj: Shqipërisë po i mungojnë investitoret e mëdhenj dhe kjo duket se përvec disa kompanive, neve nuk kemi investitorë që do bënin atë pjesë të kundërshtimit se korrupsioni ka rënë. Korrupsioni është i strukturuar dhe ka një front e vendoset përballë ekonomisë dhe investitorëve dhe ka penguar në ato projekte që duheshin realizuar.
Kemi pasur analizën në 5 bashki, dhe pjesa e korrupsionit ishte edhe në pjesën e emërimeve nepotike, me atë se si konceptohen shërbimet e bashkisë, dhe e vecanta është se nga mungesa e elementeve të auditeve të brendshme, iu jep guxim. Nje i korruptuar po te ishte i izoluar, nuk do arrinte në nivele të tilla.
