Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi ka marrë pjesë në “Festivalin e Ushqimit në Liqenin Seferan”, në Belsh të Elbasanit.
Ky festival, ka si synim përçimin e vlerave e traditave kulturore e kulinare të zonës.
E pranishme ka qenë dhe, e cila ndodhej me një motiv të dyfishtë në Belsh. Ekonomi tregoi se ndodhet në Elbasan për dy motive. I pari për Festivalin dhe i dyti për përurimin e investimit të kryer nga ministria që ajo drejton, USAID –it e Ambasadës Suedeze i cili quhet ‘Shtegu i Biçikletave’.
Kjo rrugë të jep mundësinë që me biçikletë të mund të eksplorosh liqenin e pse jo të hapësh edhe biznese të tjera aty rrotull që iu vijnë në ndihmë çiklistave.
“Duke patur një rrugë të re, ju do të keni mundësinë zhvilloni përqark dhe të të tjera biznese, sidomos ato që kanë të bëjnë me kulinarinë apo strukturat akomoduese.”, u shpreh Ministrja Ekonomi.
Në mënyrë simbolike disa çiklistë përshkuan për herë të parë Shtegun e ri të Biçikletave. Më pas në një atmosferë shumë festive u ekspozuan dhe u shijuan gatime të zonës. (A.D/Shuplaka)
Discussion about this post