Jo më larg se para 1 jave banorët e zonës Pezë-Helmes, në redaksinë e Fax News kanë denoncuar faktin se uji i lumit Erzen ishte aq i ndotur sa të gjitha gjallest, përfshirë këtu dhe peshqit kishin ngordhur.
Edhe pse më herët banorët u ishin drejtuar instancave përkatëse , prej tyre nuk kishte ardhur asnjë reagim duke lejuar kështu që ndotja e lumit Erzen të përsëritej disa herë.
Për Fax News banorët janë shprehur të shqetësuar, sepse ujin e lumit e përdorin për të ujitur të mbjellat e tyre apo dhe për bagëtit.
Ndërkohë që situate në zonë rëndohej më tepër, në redaksi vijonin të vinin mesazhe nga banorët të cilët nëpërmjet fotove dhe videove, tregonin se si njerzit kishin filluar të merrnin peshkun e ngordhur të dal në sipërfaqe të ujit. Destinacioni i këtij peshku nuk dihej, por pretendimet e para ishin që peshku ndoshta ose do të konsumohej ose do të tregtohej.
Pas rëndimit të situatës një reagim urgjent ka ardhur nga zyrtarë të larët të Ministrisë së Bujqësisë dhe nga AKU ku apelohej që peshku i ngordhur të mos konsumohej sepse ishte rrezik i drejtëpërdrejtë për shëndetin e konsumatorit.
Ndërkohë që për FaxNews ka folur kryeplaku i zonës Pezë-Helmes, ai ka treguar se pretendimet e para ishin se lumi ndotej nga shkarkime që vinin nga landfilli i Sharrës, por ende nuk ishe vërtetuar kjo gjë.
Ditën e sotme, Fax News ka zbulur burimin e kësaj ndotje e cila është një rrezik i madh për gjallesat ujore por dhe për banorët e zonës.
Nëpërmjet videos së mëposhtme duket se prentendimet e banorëve janë të sakta. Ndotja e lumit Erzen vjen nga landfilli i Sharrës i cili shkarkon mbetjet e tij në lum duke bërë që ngjyra e ujit të ndryshojë për rreth 2 orë, dhe në një kohë të shkurtët të zhduk të gjitha gjallesat ujore.
(s.a/faxweb.al)
Discussion about this post