Ditën e sotme edhe pse e diel Erion Veliaj kryetari i Bashkisë së Tiranës nuk mungoi të dilte në ekranet televizive. Aktiviteti i sotëm edhe pse nuk kishte të bënte drejpërdrejt me Bashkinë e Tiranës kishte si qëllim nisjen e një peticioni qytetar për ligjin e Vettingut.
Mesa duket Partia Socialiste e ka shumë me merak Vettingun dhe për këtë shqetësimet e saj ka filluar dhe i vë në ”gojën e qytetarëve”.
Në fjalën e tij Veliaj theksonte rëndësinë e kësaj Reforme, ndërkaq krah tij shfaqej dhe aktori Gaz Paja. Po ajo që nuk na shfaqet ne në ekran është mënyra sesi organizohen këto takime dhe si ftohen të marrin pjesë të rinjtë.
Në një bisedë që është siguruar nga ‘’Shuplaka’’ kuptohet më mirë sesi organizohen strukturat e PS-së dhe kryesisht ato të të rinjve për të mbledhur njerëz dhe për t’i bërë aktivitetet të duken masive. Nga burimet e ”Shuplakës” pjestarët e grupit në ”Whats-up” janë pjesë e FRESH.
Në mesazhin e parë të dërguar në grup vlerësohet rëndësia që ka ky takim, dhe bëhet thirrje që të ftohen dhe persona të tjerë.
Por ama jo përmes SMS-ve po përmes telefonatave. Çka nënkupton se dhe brenda strukturave të grupit ekziston frika e një ‘’nxjerrjeje të dhënash’’.
BISEDA E PLOTË:
Arli Naska: Lutemi për angazhimin tuaj në mbështetjen e peticionit ‘’duam Vettingun’’. Është shumë e rëndësishme që sot nga ora 10 e 30 deri në 12 të ketë pjesëmarrje massive te ‘’Parku Rinia’’.
Fation Xhelilaj: Mirëmëngjes.
Arli Naska: Është e rëndësishme që njerëzit të njoftohen me telefon dhe jo me SMS. (E.K/SHUPLAKA)
Discussion about this post