Misteri i vetëvrasjes së 11-vjeçares nga Babica e Vlorës mbetet ende i pazgjidhur. Për kamerën e Fax News shoqja e saj e bankës është shprehur se viktima ishte një vajzë energjike dhe nuk shfaqte asnjë problem qe do ta shtynte drejt një akti të tillë. Ngjarja ka tronditur jo vetëm familjarët dhe shokët e viktimës por dhe gjithë banorët e zonës.
Bashkëmoshatarët e saj tregojnë se viktima ishte një vajzë e shkathët, e hedhur, teksa drejtoresha e shkollës dhe psikologët tregojnë se ajo nuk kishte shfaqur asnjë shenjë shqetesimi apo mungese dëshire për të jetuar.
“Ngjarja na tronditi shumë. Unë dhe Lorena ishim mike të mira bashkë, ajo ishte dhe shumë e mirë në mësime. Mua nuk më kishte shfaqur asnjë problem.”- është shprehur shoqja e viktimës.
Ndërkohë kujtojmë që 11 vjecarja është gjendur pa shenja jete nga vëllai i saj më i vogël në një godinë pranë shtepisë. Ndërsa është mbytur me litar të hollë që përdorej për lidhjen e barit. Litari është lidhur fillimisht në një tra të kësaj dhome.
Ndërsa në banesë ka qënë i pranishëm dhe gjyshi i saj teksa prindërit mendohet të kenë qenë në punë.
Discussion about this post