Zbardhen tabulatet telefonike të grupit të Shirokës. Para disa ditësh policia e Shkodrës goditi grupin që dyshohej t’iu vinin gjoba bizneseve në Shkodër.
Ndërkohë ‘’Shuplaka’’ ka siguruar një kopje të tabulateve telefonike të këtyre personave. Aty shihet qartë sesi është i organizuar grupi dhe sesi vazhdimisht është komunikuar për mbledhjen e parave.
Komunikimet zhvillohen mes disa personave që ishin dhe të dyshuarit e policisë: Muhamet Lici, Abedin Bajraktari dhe të tjerë nga personat e dyshuar. Në biseda nuk kanë munguar as biznesmenët e përfshirë të cilët detyroheshin të paguanin gjobat.
Ata në komunikimet mes tyre nuk ngurrojnë të flasin hapur për tregtarët dhe zonat që ende nuk ju kanë marrë lekët. Madje nuk mungojnë as rastet që ata shprehen nervozë me njëri-tjetrin, duke pasur shqetësimin se disa tregtarë nuk i kanë paguar akoma lekët.
Në fund shtetasi Muhamet Lici i thotë Abedin Bajraktarit se në qoftë se nuk i kapin 1 milionë lekë duhet t’a lënë këtë punë, mësohet të thuhet në bisedat e zbardhura.
Nga bisedat e zbardhura del qartë se Lici ishte dhe kapoja i grupit, dhe në rastin kur personat e tjerë nuk arrinin të mblidhnin dot lekët ishte ai që hynte në veprim.
BISEDAT MES TË DYSHUARVE:
Lici: Alo?
Bajraktari: Ku je mor burrë?
Lici: Hë mor burrë ngjitu në shtëpi
Bajraktari: A ikim e marrim lektë atje?
Lici: Shko mor burrë, prit mos kur kanë ardhur sot a?
Bajraktari: He…
Lici: Prit mor ca me ik te ai të qifsha ropt, se na mbyte!
Bajraktari: Eee
Lici: Duhet me e shtirë o burrë se nuk iket ashtu në ajër
Bajraktari: Kena me ik me grumbullu lekët, po atij Amirit sa kena me i marrë..
****
Lici: Hë mor
Bajraktari: Si e ka emrin ai boksieri
Lici: Po lëne mos si e ka emrin ai boksieri q*** robt. Ti ti kishe mbledh vetë, a me i mbledh vetë a?!
Bajraktari: O shok nuk i kishte lekt, ç’a me i ba unë?!
Lici: Ja mora atij unë.
Bajraktari: A ja more Almirit?
Lici: 30. Kujt tjetër kam me ja marrë unë tesh?
Bajraktari: Almirit.
Për të parë bisedën e plotë shfletoni galerinë:
[ngg_images source=”galleries” container_ids=”1300″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Grupi përbëhej nga shtatë persona dhe aktiviteti i tyre ishte i përqëndruar kryesisht në zonën e Shkodrës. Personat që u arrestuan nga policia e Shkodrës janë si më poshtë:
-Muhamet Mustafa Lici, i vitlindjes 1992, lindur dhe banues në Lagjen “Guerrile” Shkodër , i dënuar më parë me 4 vjet e 8 muaj burgim për veprën penale të “Prodhimit dhe mbajtje pa leje të armëve dhe municionit luftarak ”, parashikuar nga neni 278/2/5 të K. Penal.
-Abedin Eljaz Bajraktari, i vitlindjes 1990, lindur dhe banues në lagjen “Guerrile” Shkodër , në gjendje gjyqësore “i dënuar”.
-Denis Zaim Skutina , i vitlindjes 1993 , në Shkodër dhe banues në Lagjen “Naim Gjylbegu”, Shkodër.
-Shtetasi G.S, i vitlindjes 2000, lindur dhe banues në Lagjen “Naim Gjylbegu”, Shkodër.
-Besmir Merzuk Domnori, i vitlindjes 1993, lindur dhe banues në Lagjen “Qemal Stafa” Shkodër.
-Gëzim Ragip Vajushi, i vitlindjes 1960, i lindur e banues në lagjen “Ahmet Haxhia”, i dënuar.
-Fatmir Vehbi Dibra, i vitlindjes 1964, lindur dhe banues në lagjen “Kongresi i Përmetit”, Shkoder. /SHUPLAKA
