Fax News informon se dy këshilltarë të LSI dhe një i PDIU në Këshillin Bashkiak të Gjirokastrës u bashkohen këshilltarëve të Partisë Socialiste.
Mësohet se Arben Rexhaj dhe Ardian Hyska të LSI dhe Selaudin Mosho nga PDIU, u janë bashkuar grupit të Partisë Socialiste.
Këshilltarët e LSI e kanë ndërmarrë vendimin në përputhje me qëndrimin e LSI, sipas tyre, ndaj qytetarëve.
Këshilltarët Bashkiakë thanë se ata e marrin këtë vendim në përputhje me faktin se janë të zgjedhur nga populli dhe jo nga krerët e partive.
“Me aleancën PD-LSI, nuk na bashkon më asgjë. Partia që lindi si shpresë për shqiptarët, po merr financime nga rusët. LSI ka konfirmuar sërish se ka qenë e mbetet parti tepsie.” – mësohet të jenë shprehur ata në një deklaratë për mediat ndaj dy partive opozitare PD dhe LSI.
(E.L/Faxweb)
