Eksperti i siogurisë, zoti Faik Basha, dha mendimin e tij rreth forcave të sigurisë të cilat ishin në gadishmëri këto dy ditë, veçanërisht ditën e djeshme.
I pyetur nga Albi Rakip nëse i gjithë ky plan masash ishte i tepëruar, Basha u përgjigj:
“Duhet marrë parasysh kush e viziton vendin. Shqipërinë e vizitoi presidenti i një vendi në luftë.
Mendoj se rreziklu i tij është vetëm në Ukrainë, por asgjë nuk duhet neglishzhuar sepse çdo incident jashtë vendit, është precedent për një fillim lufte. Masat duhen marrë, por dimë se Shqipëria është një vend tek i cili Rusia nuk ka dedikim”.
Ajo çka la më shumë përshtypje gjatë intervistës, është se zoti Basha tha se në Shqipëri gjenden agjentë rus. Sipas tij, diskutimi për hapjen e uzinave për armët ka qenë i diskutuar me kohë nëpër tryeza.
“Ne kemi agjentë rusë në Shqiperi. E mbani vend rastin kur 2 rusë dhe një ukrainas u gjetën te uzina. Jo vetëm që ka agjentë, por këta kanë dhe shumë informacione. Uzinat që po ndërtohen janë në duart e Rusisë. Pse s’ka më vizitorë të tjerë në reparte? Mendoj se informacioni për uzinat ka kohë që bisedohet nëpër tryeza. Vizita e atyre “turistëve” nuk ka qenë e rastësishme. Rusia udhëhiqet nga një ish-agjent i KGB-së, kështu që ai i ka parësore shërbimet sekrete”, tha Basha.
Discussion about this post