Eksperti i Arsimit Ndriçim Mehmeti i ftuar sot në studion e Fax news ka diskutuar lidhur me sulmet e vazhdueshme që i janë bërë rektorit Mynyr Koni, teksa tha se në prapavijë gjithçka lidhet me tjetërsimin e pronave të Universitetit Publik.
Për herë të parë në studion e Fax News, Mehmeti zbuloi dhe një aferë të re që pritet të dalë në dritë, që lidhen me disa prona në zonën e Kopshtit Botanik, që janë pronë e Universitetit Publik, dhe kërkohet që të tjetërsohen.
“Në fillim të marsit të 2018, ,ministrja ka shantazhuar rektorin sepse kanë dashur të marrin pronat publike të Universitetit. Si është marrë fusha e sportit para fakultetit të ekonomikut dhe është bërë park për autobusat. Asgjë nuk është bërë e qartë si është marrë, ku çohen paratë e qerasë.
Kopshti Botanik është planifikuar të vidhet, kjo është një superaferë që po përgatitet, dhe nuk është bërë publike derimë tani. Po e them për herë të parë këtë në mënyrë ekskluzive për ju. Nuk ka një peticion që të jetë i vërtetuar se rektori ka thyer etikën, apo nuk ka kryer detyrën.
Rektori Koni është treguar i hapur që të kryehet një audit dhe të bëhen hetimet e nevojshme. Është shumë e lehtë që pronat e Universitetit të jepen në përdorim ose të nxirren në shitje.” tha Mehmeti ne Fax News.
(E.K/FAXWEB.AL)
Discussion about this post