Eksploziv automjetit të oficerit të policisë në Krujë

Një sasi lëndë plasëse i është vendosur një automjeti tip Mercedez Benz, në pronësi të një oficeri të krimeve të rënda në komisariatin e Policisë së Krujës.

Policia bën me dije se shpërthimi ka ndodhur rreth orës 03:55 minuta në rrugën “Kastriotët” në Tiranë. 

“Në adresën e dhënë është konstatuar i dëmtuar në pjesën e përparme automjeti tip Mercedes Benz, në pronësi të shtetasit T. M., me detyrë oficeri Policie i krimeve të rënda në Komisariatin e Policisë Krujë. Dëmtimi i këtij automjeti ka ardhur si pasojë e shpërthimit të një sasie të vogël lënde plasëse të vendosur në pjesën e përparme të saj”, njofton policia.

Grupi hetimor mësohet se  po punon për identifikimin dhe kapjen e autorëve të kësaj vepre.

Para disa minutash u raportua për një tjetër shpërthim me eksploziv, në zyrën elektorale të LSI në Durrës. 

(M.D/Shuplaka)