Policia ka reaguar pas deklaratës së Partisë Demokratike, se në shtëpinë e nënkryetarit të bashkisë Kamëz Vendim Demaj, është vënë një sasi tritoli dhe se policia ka fshehur ngajrjen.
Sipas policisë lënda plasëse nuk ka shpërthyer në banesën e shtetasrit Vendim Demaj, por në banesën e marrë me qera nga shtetasi Paulin Gjegjaj.
Njoftimi i policisë
Më datë 04.08.2019, rreth orës 23.30, tek kthesa Kamzës në katin e tretë të një pallati, në pjesën e derës së banesës së marrë me qera nga shtetasi P.Gj, ka shpërthyer një sasi e vogël lënde e dyshuar plasëse, ku në momentin e shpërthimit brenda në banesë nuk ka pasur njeri dhe si pasoje ka vetëm dëme materiale.
Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.
Metarialet i kanë kaluar Prokurorisë së Rrethit Gjyqësor Tiranë për veprime të mëtejshme, për veprën penale “Shkatërrimi i pronës me eksploziv”
