Eksploziv një mjeti në Pogradec, thyhen xhamat e pallateve pranë (DETAJE)

Një shpërthim eksplozivi është shënuar pas mesnate në qytetin e Pogradecit, ku objekt ka qenë një mjet i parkuar.

Burime të policisë lokale bëjnë me dije se mjeti “Citroen” në pronësi të shtetasit P. N. 32 vjeç është djegur gjatë natës. Dyshohet për eksploziv, nga shpërthimi i të cilit janë thyer xhamat e disa banesave aty pranë.

Detaje të Policisë së Pogradecit:

Informacion paraprak Më datë 01.04.2017, rreth orës 03:45, jemi njoftuar se në lagjen nr 2 në Pogradec, është djegur automjeti veturë tip “Citroen” me targa PG 6433 B, në pronësi të shtetasit P.N, rreth 32 vjeç, banues në këtë lagje.

Nga të dhënat e para rezulton se mjeti ka qënë i parkuar dhe dyshohet se është djegur si pasojë e shpërthimit të një sasie lënde plasese (eksploziv).

Si pasojë e shpërthimit janë thyer/dëmtuar edhe xhamat e disa pallateve në afërsi. Grupi hetimor po punon për sqarimin e rrethanave të ngjarjes, identifikimin dhe kapjen e autorëve.

(XH.A/SHUPLAKA)