Eksplozivi te dera e shtëpisë kryebashkiakut, reagon deputetja: Nëse s’je në anën e pushtetit duhet të kesh frikë të zgjohesh në mëngjes

Reagon pas ngjarjes së rëndë në Burrel, deputetja demokrate duke i bërë thirrje prokurorisë që një orë e më parë të zbardhë të vërtetën.

Një sasi eksplozivi shpërtheu sot në sheshpushimin e katit të pallatit ku ishte banesa e kryebashkiakut  Nezit Rizvani.

”Nëse nuk je në anën e pushtetit duhet të kesh frikë nëse zgjohesh në mëngjes.

Nëse tenton të punosh për njerëzit e tu që të kanë votuar por nuk je në të njëjtën linjë politike me pushtetin ekzekutiv atëherë të rrezikohet madje edhe familja.”, thotë Dhurata Çupi .

”Një ngjarje e rëndë ka tronditur qytetin e Burrelit mëngjesin e ditës së sotme. Një akt kriminal rrezikoi jetën e kryebashkiakut te Matit Nezir Rizvani, Krimi nuk kursen askënd në këtë vend.

Kjo është një ngjarje tejet e rëndë e që duhet zbardhur plotësisht.

I bëj thirrje prokurorisë që një orë e më parë të zbardhë të vërtetën e plotë të kësaj ngjarje”, komenton më tej demokratja.

Shpërthimi, fatmirësisht nuk shkaktoi lëndime në njerëz, përveç dëmeve materiale. (V.G/SHUPLAKA)

Kryebashkiaku i Burrelit Nezir Rizvani