Ekspozimi i kupave të Italisë, ironia e Ergys Mërtiri: Mënyrë e bukur kjo për të motivuar djemtë, e bën raca inferiore që na udhëheq

Ekspozimi i kupave të Italisë dje në Shkodër nuk është pritur nga të gjithë mirë. Ergys Mërtiri me ironi është shprehur se kjo mënyrë  është e bukur për të motivuar djemtë e kombëtares. 

Sipas tij të admirosh madheshtinë e kundërshtarit para beteje këtë mund ta bejë vetëm kjo racë inferiore që na udheheq. 

“Para ndeshjes me Italine, Federata dhe Qeveria e kane gjykuar te udhes te ekspozojne kupat e botes qe ekipi rival ka fituar nder vite. E bukur menyre kjo, per te motivuar djemte tane per fitore! 

Te admirosh madheshtine e kundershtarit para beteje… kete mund ta beje vetem kjo race inferiore qe na udheheq!”, shprehet Mërtiri. 

Sjellim në vëmendje që  Ambasada e Italisë në Tiranë dhe Federata Italiane e Futbollit sollën për herë të parë në Shqipëri, 4 kupat e botës që ka fituar Kombetarja italiane e futbollit gjatë historisë së saj të lavdishme sportive.

Ekspozita “4 herë Kampionë”, e realizuar në bashkëpunim me Bashkinë Shkodër dhe me pjesëmarrjen e Federatës Shqiptare të Futbollit, u realizua në Teatrin “Migjeni”. (J.V/Shuplaka)